Seljandi
Seljandi er Emstra tölvuþjónusta ehf., kt. 571025-1240, Öldugerði 4, 860 Hvolsvelli. Netfang [email protected], sími 856 2400, VSK-númer 158976. Emstra selur hugbúnað í áskrift, þar á meðal Pílu og Support, og þjónustu á borð við vefgerð.
Skilmálar
Söluskilmálar Emstra
Þessir skilmálar gilda þegar þú kaupir áskrift eða aðra vöru af Emstra á netinu. Með því að ljúka greiðslu samþykkir þú þá.
Gildissvið
Áskrift er aðgangur að þjónustu sem endurnýjast sjálfkrafa í hverjum mánuði eða ári. Klúbbur er félag, svo sem pílukastfélag, sem kaupir klúbbáskrift fyrir starfsemi sína. Kóði er afsláttarkóði eða kóði sem veitir frían aðgang í tíma. Sumt er frítt og verður áfram frítt: til dæmis þarf enga áskrift til að taka þátt í kvöldi eða viðburði í Pílu. Á verðsíðu hverrar vöru stendur hvað fylgir hverri áskrift.
Verð og greiðslur
Verð stendur á verðsíðu vörunnar og í greiðsluglugganum áður en þú greiðir. Verð til neytenda er með virðisaukaskatti. Á Íslandi greiðir þú í krónum í gegnum Kling og kortagreiðslur fara um Straum greiðslumiðlun hf. Utan Íslands er Paddle.com seljandinn: Paddle selur áskriftina fyrir hönd Emstru, innheimtir skatta í þínu landi og sér um endurgreiðslur, og skilmálar Paddle gilda einnig. Emstra geymir aldrei kortanúmer. Ef greiðsla mistekst reynir greiðslumiðlunin aftur næstu daga. Takist hún ekki stöðvast aðgangur að greiðsluþjónustunni þar til greitt er. Gögnin þín eyðast ekki við það.
Áskrift, uppsögn og kóðar
Áskrift endurnýjast sjálfkrafa í lok hvers tímabils. Þú getur sagt upp hvenær sem er í stillingum áskriftarinnar eða með pósti á [email protected]. Uppsögn tekur gildi í lok greiðslutímabilsins og aðgangurinn helst til þess. Ef verð breytist færðu tölvupóst minnst 30 dögum áður og nýja verðið gildir frá næstu endurnýjun eftir það. Kóði sem veitir frían aðgang gildir í þá daga sem honum fylgja og endurnýjast ekki. Kóða má nota einu sinni á hvern reikning eða klúbb og ekki skipta fyrir peninga. Klúbbáskrift kaupir umsjónarmaður klúbbsins fyrir hönd hans og félagar þurfa ekki eigin áskrift til að taka þátt í viðburðum hans.
Réttur til að falla frá kaupum
Neytandi getur fallið frá kaupum á áskrift innan 14 daga frá fyrstu kaupum, samkvæmt lögum um neytendasamninga nr. 16/2016. Emstra endurgreiðir þá að fullu, sama hvort þjónustan hefur verið notuð. Sendu póst á [email protected] með nafni, netfangi reikningsins og dagsetningu kaupanna. Endurgreiðsla fer á sömu greiðsluleið innan 14 daga. Rétturinn á við fyrstu kaup, ekki sjálfvirka endurnýjun. Eftir 14 daga er ekki endurgreitt fyrir þann hluta tímabils sem eftir er þegar áskrift er sagt upp, en aðgangurinn helst út greidda tímabilið. Kaup klúbbs eða fyrirtækis eru ekki neytendakaup. Utan Íslands gilda endurgreiðslureglur Paddle.
Notkun, ábyrgð og breytingar
Þú berð ábyrgð á reikningnum þínum og því efni sem þú setur inn, og þjónustuna má ekki nota til að brjóta lög eða rétt annarra. Verði þjónustan óaðgengileg lengur en 72 klukkustundir samfleytt vegna Emstru framlengist áskriftin um jafnlangan tíma. Ábyrgð Emstru nær aldrei hærri upphæð en þeirri sem þú greiddir síðustu 12 mánuði og tekur ekki til óbeins tjóns. Þetta takmarkar ekki rétt neytenda samkvæmt lögum. Breytingar sem skerða rétt þinn kynnum við með tölvupósti minnst 30 dögum áður en þær taka gildi.
Lög og samband
Um meðferð persónuupplýsinga gildir persónuverndarstefna Emstra. Bókhaldsgögn um greiðslur eru geymd í 7 ár eins og lög um bókhald nr. 145/1994 krefjast. Íslensk lög gilda og ágreiningi má vísa til Héraðsdóms Suðurlands. Neytandi getur líka leitað til Kærunefndar vöru- og þjónustukaupa. Spurningar og kvartanir sendir þú á [email protected] og við svörum innan 5 virkra daga.
Síðast uppfært 23. september 2026.